Lækka á hraðann niður í 30 og að einnig verði gerðir upphitaðir göngu- og hjólreiðastígar. Leiðin er mikið notuð af börnum á leið í Hagaskóla, gangandi og hjólandi
Vesturbær hefur verið að lækka hraðann í götunum enda mikið um gangandi og hjólandi vegfarendur, þannig að það er mikilvægt að tryggja öryggi þessara aðila.
Faghópur umhverfis- og skipulagssviðs hefur skoðað hugmyndina og telur hana í núverandi mynd ekki tæka í kosningu um Betri hverfi, m.a. á þeim forsendum að gatan er tengigata. Að auki sprengir upphitun gangstéttar kostnaðarrammann. Faghópurinn vill þó láta samgönguskrifstofu skoða hugmyndina frekar.
Ég geng þarna á hverjum morgni nánast og finnst það óþægilegt. Svæðið er illa upplýst, gangandi og hjólandi í sífelldri hættu við að rekast á og bílar þeysa framhjá oft á mikilli ferð. Fyrir utan þetta þá liggur landið einhvern vegin þannig að þarna myndast alltaf hálka ísinn er lífseygur þarna. Mér finnst að þetta ætti að fara í forgang!
Göngustígurinn meðfram Birkimel er löngu úr sér genginn. Hann er mjög mikið notaður af gangandi og hjólandi, m.a. af Hagskælingum sem búa norðan Hringbrautar og fara yfir á ljósunum við Björnsbakarí og hjóla eða ganga í skólann. Stígurinn er hinsvegar sérlega illa hannaður. Ljósastaurar eru á miðjum stígnum, stálgrindur til að hamla bílaumferð ganga langt inn á stíginn, hellur hafa víða brotnað undan bílum sem aka upp á stíginn osfrv. Endurnýjun stígsins myndi gera þessa vinsælu leið öruggari.
This content is created by the open source Your Priorities citizen engagement platform designed by the non profit Citizens Foundation