Betri og öruggari gönguleið við Austurberg í Breiðholti

Sammála þessu. Gangstéttarmálin eru í miklum ólestri við Austurberg, t.d. á þessum stað sem nefndur er hér. Einnig er engin gangstétt austan megin (til móts við fótboltavöllinn). Ég hef séð fólk klöngrast þarna með börn í kerrum en það er ekki öruggt miðað við hvernig aðstaðan er núna.

Börn og aðrir sem koma gangandi/hjólandi frá Hólabrekkuskóla þurfa að beygja inn að Fjölbrautaskólanum í Breiðholti til að komast áfram hvort sem það er í sundlaugina, strætóskýlið, Gerðuberg eða annað og eru svo strand við enda þeirrar gangstéttar nema að farið sé hringinn í kring um stóra sameiginlega bílastæðið. Mikil umferð er inn og út af bílastæðum fjölbrautaskólans og sundlaugarinnar á álagstímum og mikilvægt að greiða götu gangandi og hjólandi betur. Eyjan sem skilur að götuna Austurberg og bílastæðið við sundlaugina/fjölbrautaskólann er tyrft en hana mætti breyta í gönguleið með handriði nær götu til að tryggja betur öryggi gangandi og hjólandi. Má líka benda á að eyjan sem nær að strætóskýlinu er yfirleitt eitt forarsvað vegna þess að fólk þarf að ganga þar til að þurfa ekki að ganga á bílastæðinu eða á götunni.