Hraðahindranir sem settar voru á göngustígana undir Breiðholtsbraut og Suðurlandsveg þegar þeim var skipt í tvennt eru hjólreiðamönnum til mikils ama og hreinlega hættulegar. Það sést best á því að hjólandi umferð sneiðir hjá þeim og fer út af stígnum.
Hindranirnar fara oft mjög illa á veturnar þegar ruðningstæki rekast í steinana og velta þeim við, þá myndast miklar holur sem vont er að lenda í á hjóli og gangandi ef því er að skipta. Einnig valda þær því að sandur úr þeim safnast fyrir á stígnum í beygjunni sem er öðrum megin við bæði undirgöngin og veldur hjólafólki hættu og erfiðleikum.
Það hlýtur að vera hagkvæmara að malbika þessa staði einu sinni heldur en að eyða peningum í að leggja steina aftur og aftur. Það er óþægilegt að labba á þessari ójöfnu, sérstaklega í léttum skóm.
This content is created by the open source Your Priorities citizen engagement platform designed by the non profit Citizens Foundation