Afmarka mætti betur þær leiðir sem ætlaðar eru til aksturs inn í hverfið og í gegnum það. Öðrum götum mætti loka og breyta í fáfarna botnlanga til að auka öryggi gangandi og hjólandi vegfarenda.
Lokun gatna og umbreyting í botnlanga takmarkar umferð við þá sem eiga erindi í viðkomandi götur. Aðgengi íbúa að húsum sínum verður aðeins erfiðara (ef komið er á bíl), en á móti kemur að slíkar breytingar auka umferðaröryggi gangandi barna, eins og gerst hefur t.d. við Bólstaðarhlíð og Skaftahlíð. Fjölskylda mín bjó áður við auðvelt flæði bíla en býr nú í botnlanga. Í því felast mun meiri lífsgæði sem fleiri í hverfinu mættu fá að njóta, sérstaklega í ljósi nálægðar við stórar umferðaræðar.
This content is created by the open source Your Priorities citizen engagement platform designed by the non profit Citizens Foundation